ALGUNHAS ENFERMIDADES DO APARATO URINARIO.

ALGUNHAS ENFERMIDADES DO APARATO URINARIO. - - A especialidade médica que estuda o aparato urinario chámase uroloxía e o médico especialista é o urólogo
Mexar moito ou pouco pode ser indicador dalgunha alteracion renal. En condicións normais, a cantidade de ouriños depende da cantidade de auga que inxerimos, do noso metabolismo, actividade física e masa corporal. As infeccións urinarias son procesos infecciosos das vías urinarias que producen inflamacións da uretra (uretrite), a vexiga (cistite) ou os riles (pielonefrite).
Uretrite
Artigo principal: Uretrite.

Consiste na inflamación das paredes da uretra debido a unha infección bacteriana ou a substancias químicas que ocasionan un estreitamento do conduto uretral. A dieta con pouca inxestión de líquidos e a deshidratación en días calorosos, que produce uns ouriños concentrados, favorecen esta inflamación.
Cistite
Artigo principal: Cistite.

É a inflamación aguda ou crónica da vexiga urinaria, con infección ou sen ela. Pode ter distintas causas. Os síntomas máis frecuentes son: aumento da frecuencia das miccións, presenza de turbidez dos ouriños. A causa máis frecuente de cistite é a infección por bacterias gram negativas. Para que un xerme produza cistite, primeiro debe de colonizar os ouriños da vexiga (bacteriuria) e posteriormente producir unha resposta inflamatoria na mucosa vesical. A esta forma de cistite denomínaselle cistite bacteriana aguda. Afecta a persoas de todas as idades, aínda que sobre todo a mulleres en idade fértil ou a anciáns de ambos os dous sexos. Outra forma de cistite é a cistite tuberculosa (producida no contexto dunha infección tuberculosa do aparato urinario), a cistite química (causada por efectos tóxicos directos dalgunhas substancias sobre a mucosa vesical, por exemplo a ciclofosfamida), a cistite glandular (unha metaplasia epitelial con potencialidade premaligna) ou a cistite intersticial (unha enfermidade funcional crónica que cursa con dor pélvica, urxencia e frecuencia miccional)